The result was obtained…….
సువేందు అధికారి పశ్చిమ బెంగాల్కు తొమ్మిదవ ముఖ్యమంత్రిగా బాధ్యతలు చేపట్టబోతున్నారు. 15 ఏళ్ల తృణమూల్ కాంగ్రెస్ (TMC) పాలనకు ముగింపు పలికి, రాష్ట్రంలో మొదటి బీజేపీ ముఖ్యమంత్రిగా ఆయన చరిత్ర సృష్టించారు.
సువేందు అధికారికి పాలనా పగ్గాలు అప్పగించడం సమంజసమే. వేరే రాష్ట్రాల్లో మాదిరి కొత్త నేతలను తెర పైకి తీసుకురాకుండా మమతాను ఓడించిన సువేందు కు పట్టం కట్టి బీజేపీ మంచి నిర్ణయం తీసుకున్నది.
డిసెంబర్ 15, 1970న పశ్చిమ బెన్గాల్లోని పూర్బా మేదినీపూర్ జిల్లా, కర్కూలిలో సువేందు అధికారి జన్మించారు.ఆయన రాజకీయ కుటుంబం నుండి వచ్చారు. ఆయన తండ్రి శిశిర్ అధికారి మాజీ కేంద్ర మంత్రి, అనుభవజ్ఞుడైన నాయకుడు.
సువేందు అధికారి రవీంద్ర భారతి విశ్వవిద్యాలయం నుండి ఎం.ఏ. పట్టా పొందారు. సువేందు తన రాజకీయ ప్రస్థానాన్ని 1995లో కాంగ్రెస్ పార్టీతో కౌన్సిలర్గా ప్రారంభించారు. 1998లో తన తండ్రితో కలిసి మమతా బెనర్జీ స్థాపించిన తృణమూల్ కాంగ్రెస్లో చేరారు.
2007లో భూసేకరణకు వ్యతిరేకంగా జరిగిన నందిగ్రామ్ ఉద్యమంలో కీలక పాత్ర పోషించి, మమతా బెనర్జీ అధికారంలోకి రావడానికి బలమైన పునాది వేశారు.ఆయన తమ్లుక్ నుండి రెండుసార్లు ఎంపీగా (2009, 2014) పశ్చిమ బెంగాల్ ప్రభుత్వంలో రవాణా శాఖ మంత్రిగా (2016-2020) పనిచేశారు.
టీఎంసీ నాయకత్వంతో విభేదాల కారణంగా డిసెంబర్ 2020లో అమిత్ షా సమక్షంలో భారతీయ జనతా పార్టీలో చేరారు.2021 అసెంబ్లీ ఎన్నికల్లో నందిగ్రామ్ నియోజకవర్గం నుండి అప్పటి ముఖ్యమంత్రి మమతా బెనర్జీని ఓడించి ‘జయంట్ కిల్లర్’గా నిలిచారు. ఆ తర్వాత 2021 నుండి 2026 వరకు అసెంబ్లీలో ప్రతిపక్ష నేతగా వ్యవహరించారు.
2026 ఎన్నికల్లో ఆయన నందిగ్రామ్, భవానీపూర్ స్థానాల నుండి గెలుపొందారు. ముఖ్యంగా భవానీపూర్లో మమతా బెనర్జీని సుమారు 15,000 ఓట్ల మెజారిటీతో ఓడించి బీజేపీకి చారిత్రాత్మక విజయాన్ని అందించారు.
ఒకప్పుడు మమతా బెనర్జీకి అత్యంత సన్నిహితుడిగా ఉండి, ఆమెను రెండు సార్లు ఓడించి ముఖ్యమంత్రి పీఠాన్ని అధిష్టించడం విశేషం.
బెంగాల్లో ఎన్నికల అనంతర హింసను అరికట్టడం, పోలీస్ వ్యవస్థను రాజకీయాల నుండి వేరు చేయడం ఆయన మొదటి ప్రాధాన్యత. రాష్ట్రంలో శాంతిని నెలకొల్పడానికి ప్రత్యేక విభాగాలను ఏర్పాటు చేస్తామని ఆయన ఎన్నికల్లో హామీ ఇచ్చారు.
గత ప్రభుత్వం నిలిపివేసిన ఆయుష్మాన్ భారత్ (ఉచిత వైద్యం) పీఎం కిసాన్ సమ్మాన్ నిధి వంటి కేంద్ర ప్రభుత్వ పథకాలను రాష్ట్రంలో తక్షణమే అమలు చేయాలని ఆయన లక్ష్యంగా పెట్టుకున్నారు. నందిగ్రామ్ ఉద్యమం ద్వారా రాజకీయాల్లోకి వచ్చిన ఆయన, ఇప్పుడు అదే ప్రాంతంతో పాటు బెంగాల్ అంతటా మూతపడిన పరిశ్రమలను పునరుద్ధరించాలని, ఐటి,తయారీ రంగాల్లో కొత్త పెట్టుబడులను ఆకర్షించాలని ప్రణాళికలు సిద్ధం చేశారు.
గత ప్రభుత్వంలో జరిగినట్లుగా ఆరోపణలు వచ్చిన నియామక కుంభకోణాలు (Recruitment Scams) ఇతర అవినీతి వ్యవహారాలపై లోతైన విచారణ జరిపి, పారదర్శకమైన పాలన అందిస్తామని ఆయన ప్రకటించారు. మహిళల రక్షణ కోసం ప్రత్యేక భద్రతా చర్యలు తీసుకునేందుకు,మహిళా సాధికారతకు పెద్దపీట వేసేందుకు ప్లాన్ చేస్తున్నారు.
బెంగాలీ సంస్కృతిని, సంప్రదాయాలను గౌరవిస్తూనే.. ‘సోనార్ బంగ్లా’ (బంగారు బెంగాల్) నిర్మించడమే తన అంతిమ లక్ష్యమని ఆయన తరచుగా చెబుతుంటారు.
