Modern transportation ………
కేదార్‌నాథ్ క్షేత్రానికి వెళ్లే భక్తుల కోసం కేంద్ర, ఉత్తరాఖండ్ ప్రభుత్వాలు నిర్మిస్తున్న ఆధునిక రవాణా మార్గాల పనులు వేగంగా ముందుకు సాగుతున్నాయి.సాధారణంగా గౌరీకుండ్ నుండి కేదార్‌నాథ్ ఆలయానికి చేరుకోవడానికి కాలినడకన లేదా గుర్రాలపై 8 నుండి 9 గంటల సమయం పడుతుంది.ఈ ప్రయాణాన్ని సులభతరం చేసేందుకుకొత్త ప్రాజెక్టులు దోహద పడతాయి.
సోన్‌ప్రయాగ్ – కేదార్‌నాథ్ రోప్‌వే ప్రాజెక్ట్
ఇది భారతదేశంలోనే అత్యంత పొడవైన, ఎత్తైన రోప్‌వే ప్రాజెక్టులలో ఒకటిగా నిలవనుంది. సుమారు ₹4,081 కోట్లతో చేపట్టిన ఈ ప్రతిష్టాత్మక ప్రాజెక్ట్ నిర్మాణ కాంట్రాక్టును అదానీ గ్రూప్ (Adani Enterprises) దక్కించుకుంది.ఈ ప్రాజెక్టుకు సంబంధించిన టెండర్ ప్రక్రియ, ప్రాథమిక అనుమతులు, సర్వేలు ఇప్పటికే పూర్తయ్యాయి. పనులు అక్టోబర్ 2025 నుండి క్షేత్రస్థాయిలో ప్రారంభమయ్యాయి.
ఈ రోప్‌వే అందుబాటులోకి వస్తే… సోన్‌ప్రయాగ్ నుండి కేదార్‌నాథ్ ఆలయానికి కేవలం 36 నిమిషాల్లోనే చేరుకోవచ్చు. ఇది గంటకు 1,800 మంది భక్తులను మోసుకెళ్లే సామర్థ్యాన్ని కలిగి ఉంటుంది.
కొత్తగా ప్లాన్ చేసిన 7 కిలోమీటర్ల టన్నెల్
హిమాలయాల కఠినమైన భూభాగంలో ప్రయాణాన్ని మరింత సురక్షితం చేయడానికి ప్రభుత్వం కలిమఠ్ లోయలోని చౌమాసి నుండి సోన్‌ప్రయాగ్ వరకు 7 కిలోమీటర్ల పొడవైన ట్విన్-ట్యూబ్ టన్నెల్ నిర్మాణాన్ని ప్రతిపాదించింది. ఈ ప్రాజెక్టుకు సంబంధించిన ప్రాథమిక గ్రౌండ్ సర్వే పూర్తయింది. ఇక్కడి రాతి నిర్మాణాలు టన్నెల్ తవ్వకానికి అనుకూలంగా,స్థిరంగా ఉన్నట్లు నిపుణుల కమిటీ నివేదిక ఇచ్చింది. అత్యవసర సమయాల్లో ఎస్కేప్ రూట్‌గా ఉపయోగపడేలా దీనిని డిజైన్ చేస్తున్నారు.
రిషికేశ్ – కర్ణప్రయాగ్ రైల్వే ప్రాజెక్ట్
కేదార్‌నాథ్, బద్రీనాథ్ వెళ్లే మార్గాన్ని కనెక్ట్ చేసే 125 కిలోమీటర్ల ఈ రైల్వే లైన్ పనులు చివరి దశకు చేరుకున్నాయి. గుల్లర్-బ్యాసి మధ్య మేజర్ టన్నెల్ బ్రేక్‌థ్రూలు పూర్తయ్యాయి. డిసెంబర్ 2026 నాటికి ఫేజ్-1 లైన్ అందుబాటులోకి వచ్చేలా పనులు జరుగుతున్నాయి. దీనిని భవిష్యత్తులో సోన్‌ప్రయాగ్ వరకు పొడిగించే ప్రతిపాదన కూడా ఉంది.
ఈ ఆధునిక రవాణా మార్గాల నిర్మాణం శరవేగంగా జరుగుతోంది. ఇవి పూర్తిగా అందుబాటులోకి రావడానికి మరికొన్నేళ్ల సమయం పట్టినప్పటికీ, రాబోయే రోజుల్లో కేదార్‌నాథ్ యాత్ర అత్యంత సులభంగా, సురక్షితంగా మారనుంది. సోన్‌ప్రయాగ్ నుండి కేదార్‌నాథ్ ధామ్ వరకు నిర్మిస్తున్న 12.9 కిలోమీటర్ల పొడవైన ఈ రోప్‌వే మార్గంలో మొత్తం 5 స్టేషన్లు, 22 టవర్లు ఉండనున్నాయి.
1. సోన్‌ప్రయాగ్ (Sonprayag): ఇది ఈ రోప్‌వే ప్రాజెక్ట్ ప్రారంభ స్టేషన్ (Base Station). భక్తులు తమ వాహనాలలో ఇక్కడికి చేరుకున్న తర్వాత రోప్‌వే జర్నీ ఇక్కడి నుండే మొదలవుతుంది.
2. గౌరీకుండ్ (Gaurikund): సోన్‌ప్రయాగ్ తర్వాతి స్టేషన్ ఇది. సాధారణంగా కాలినడకన కేదార్‌నాథ్ వెళ్లే భక్తులు ఇక్కడి నుంచే తమ ట్రెక్కింగ్‌ను ప్రారంభిస్తారు.
3. చిరబాస (Chirbasa): ఇది మూడో స్టేషన్. అయితే ఇది ప్రయాణికులు ఎక్కడానికి/దిగడానికి కాకుండా, అత్యవసర సమయాల్లో సహాయపడే ఒక సాంకేతిక స్టేషన్ (Technical Hub) గా ఉపయోగపడుతుంది.
4. లించోలి (Lincholi): కొండపై ఉన్న నాలుగో స్టేషన్. ఇది కూడా చిరబాస లాగే అత్యవసర రక్షణ చర్యలు. సాంకేతిక నిర్వహణ కోసం ఏర్పాటు చేసిన ఇంటర్మీడియట్ హబ్.
5. కేదార్‌నాథ్ ధామ్ (Kedardham): ఇది రోప్‌వే చివరి స్టేషన్ కేదార్‌నాథ్ ఆలయ ఆవరణకు సమీపంలో ఉంటుంది.
ఈ ప్రాజెక్ట్ నిర్మాణాన్ని రెండు దశల్లో చేపడుతున్నారు. మొదటి దశలో గౌరీకుండ్ నుండి కేదార్‌నాథ్ ఆలయం వరకు (9.7 కి.మీ.), రెండో దశలో సోన్‌ప్రయాగ్ నుండి గౌరీకుండ్ వరకు (3.2 కి.మీ.) లైన్ పనులు జరుగుతున్నాయి.
ఈ రోప్‌వే మార్గం 2031 లేదా 2032 నాటికి భక్తులకు పూర్తిగా అందుబాటులోకి రానుంది.చౌమాసి – సోన్‌ప్రయాగ్ 7 కి.మీ. టన్నెల్ ప్రాజెక్ట్ ఇంకా ప్రాథమిక గ్రౌండ్ సర్వే నివేదికల దశలోనే ఉంది. దీని నిర్మాణానికి కూడా దాదాపు 5 నుండి 6 సంవత్సరాల సమయం పట్టే అవకాశం ఉంది
రిషికేశ్ – కర్ణప్రయాగ్ రైల్వే లైన్ ప్రాజెక్ట్ పనులు చివరి దశకు చేరుకున్నాయి. దీని ఫేజ్-1 రైల్వే లైన్ డిసెంబర్ 2026 నాటికి అందుబాటులోకి వచ్చేలా ప్రణాళికలు సిద్ధం చేశారు.
