Praise and criticism ……..
నితీష్ తివారీ దర్శకత్వంలో రూపొందిన “రామాయణం: పార్ట్ 1” (రామాయణ: రైజ్ ఆఫ్ ఎ లెజెండ్) చిత్రంలో శ్రీరాముడి పాత్రకు రణబీర్ కపూర్ నూరు శాతం న్యాయం చేశారు. ఆ పాత్ర కోసం అతను పడిన కష్టం, నటనపై ప్రశంసలు వచ్చినప్పటికీ, కొన్ని కోణాల్లో విమర్శలు కూడా వ్యక్తమయ్యాయి.
శ్రీరాముడి పాత్రకు ఉండాల్సిన అత్యంత ముఖ్యమైన లక్షణం ప్రశాంతత, నిగ్రహం .. రణబీర్ కపూర్ తన నటనలో ఆ దైవత్వాన్ని, శాంత స్వభావాన్ని చాలా చక్కగా పలికించారని విమర్శకులు ప్రశంసించారు. ముఖ్యంగా సీతా స్వయంవరం (శివధనుర్భంగం) ఘట్టంలో రణబీర్ తన నటనతో ప్రేక్షకులను ఆకట్టుకున్నారు. ఎటువంటి అహంకారం లేకుండా, కేవలం ఒక మహర్షి ఆజ్ఞను పాటిస్తున్నట్లు వినయంగా, అదే సమయంలో అపారమైన బలంతో ధనుస్సును విరిచే దృశ్యంలో ఆయన హావభావాలు చాలా హుందాగా ఉన్నాయి.
దశరథుడు తనను అడవులకు వెళ్లాలని చెప్పినప్పుడు రాముడు స్పందించే తీరు సినిమాకే హైలైట్. తండ్రి మాటను గౌరవిస్తూ, రాజ్యాన్ని తృణప్రాయంగా వదిలేసి, కళ్లలో ఎటువంటి బాధ లేదా క్రోధం లేకుండా ప్రశాంతంగా చిరునవ్వుతో వనవాసానికి సిద్ధమయ్యే సన్నివేశంలో రణబీర్ నటనతో అత్యధిక మార్కులు సాధించారు.
రాముడి వనవాస వార్త విని లక్ష్మణుడు తీవ్రమైన ఆగ్రహానికి లోనవుతాడు. ఆ సమయంలో లక్ష్మణుడిని శాంతింపజేస్తూ ధర్మాన్ని బోధించే సన్నివేశంలో రణబీర్ నటన ఒక ఆదర్శవంతమైన అన్నగా ఎంతో పరిణతితో కూడి ఉంది. సీతను రావణుడు అపహరించిన తర్వాత, గాయపడిన జటాయువును చూసి రాముడు చలించిపోయే సన్నివేశం ఎంతో భావోద్వేగంగా సాగింది. జటాయువుకు అంతిమ సంస్కారాలు చేసే సమయంలో రణబీర్ పలికించిన దుఃఖం, సీతను వెతకాలనే సంకల్పం అతని నటనలోని ప్రతిభను చూపించాయి.వనవాస సన్నివేశాలలో అతని హావభావాలు, నటన ఎంతో పరిణతితో కూడి ఉన్నాయి.
ఈ సినిమాలో రణబీర్ కపూర్ కేవలం శ్రీరాముడిగా మాత్రమే కాకుండా, విష్ణువు, పరశురాముడి పాత్రలలో కూడా కనిపించి ప్రేక్షకులను ఆశ్చర్యపరిచారు.పరశురాముడిగా రణబీర్ చూపించిన రౌద్రం, రాముడిగా చూపించిన శాంతానికి పూర్తిగా భిన్నంగా ఉండి ఆకట్టుకుంది. అలాగే మరి కొన్ని సన్నివేశాల్లో కూడా ఆయన నటన ప్రేక్షకులను ఆకట్టుకునేలా ఉంది.
రాముడి పాత్రకు సరిపోయేలా రణబీర్ కపూర్ తన శరీరాకృతిని పూర్తిగా మార్చుకున్నారు.బాడీ బిల్డింగ్ లా కాకుండా, ఒక యోగి లాంటి సన్నని, దృఢమైన శరీరం కోసం కఠినమైన శిక్షణ తీసుకున్నారు.అలాగే ఈ పాత్ర పవిత్రతను గౌరవిస్తూ సినిమా షూటింగ్ సమయంలో ఆయన మద్యం, మాంసాహారానికి పూర్తిగా దూరంగా ఉన్నారనే వార్తలు కూడా అప్పట్లో విపరీతంగా ప్రచారమయ్యాయి.
చిన్నప్పటి నుండి ప్రేక్షకులు ఎన్టీఆర్ లేదా రామానంద్ సాగర్ సీరియల్‌లో అరుణ్ గోవిల్ వంటి నటులను రాముడిగా చూసి అలవాటు పడ్డారు. వారి రూపంతో పోలిస్తే, రణబీర్ కపూర్ ఆధునిక లుక్ రాముడి పాత్రకు అంతగా సెట్ కాలేదని కొందరు సాంప్రదాయవాదులు, ప్రేక్షకులు విమర్శించారు.
సినిమాలో రావణాసురుడిగా నటించిన యష్ పాత్ర చాలా పవర్‌ఫుల్‌గా, భారీ ఎలివేషన్లతో సాగింది. దానితో పోలిస్తే, రాముడిగా రణబీర్ కపూర్ పాత్ర చాలా సాఫ్ట్‌గా ఉండటం వల్ల, స్క్రీన్ ప్రెజెన్స్ పరంగా యష్ రణబీర్‌ను కాస్త డొమినేట్ చేశాడనే అభిప్రాయాలు వ్యక్తమయ్యాయి.
వాల్మీకి రామాయణం ప్రకారం రాముడు సాఫ్ట్ పర్శన్ .. కాబట్టి అతని పాత్ర అలాగే ఉంటుంది. రావణుడితో పోల్చకూడదనే వాదన కూడా వినిపించింది. రణబీర్ సిన్సియర్‌గా నటించినప్పటికీ, నితీష్ తివారీ రాసుకున్న స్క్రీన్‌ప్లే వల్ల రాముడి పాత్రతో కొందరు ప్రేక్షకులు పూర్తిగా ఎమోషనల్‌గా కనెక్ట్ కాలేకపోయారని కొందరి అభిప్రాయం. అయితే పూర్తిగా వాస్తవం కాదు. కొద్దీ మంది కి నచ్చకపోయి ఉండొచ్చు. అది ఎక్కడైనా సహజమే.
మొత్తంగా చూస్తే రణబీర్ కపూర్ తన కెరీర్‌లో అత్యంత సవాలుతో కూడిన ఈ పాత్రను చాలా గౌరవంగా, నిజాయితీగా పోషించడానికి ప్రయత్నించారని చెప్పవచ్చు.అందులో విజయం సాధించారని కూడా చెప్పవచ్చు. మెజారిటీ ప్రేక్షకుల స్పందన కూడా రణబీర్ కి అనుకూలంగా నే ఉంది.
