పృథ్వీరాజ్ మార్క్ క్రైమ్ డ్రామా !!

Action crime thriller………..

‘ఖలీఫా’ (Khalifa – The Ruler) మలయాళంలో పృథ్వీరాజ్ సుకుమారన్ హీరోగా, వైశాఖ్ దర్శకత్వంలో వచ్చిన యాక్షన్ క్రైమ్ థ్రిల్లర్ సినిమా. జిను వి. అబ్రహం కథ అందించగా, ఆగస్టు 20, 2026న ఈ చిత్రం థియేటర్స్ లో విడుదలయ్యింది. ఈ సినిమా ప్రస్తుతం ఆహా లో తెలుగు వెర్షన్లో  స్ట్రీమింగ్ అవుతోంది

కథేంటి?

అమీర్ అలీ (పృథ్వీరాజ్ సుకుమారన్) తన కుటుంబంతో కలిసి వ్యాపారం చేసుకుంటూ ప్రశాంతమైన జీవితం గడుపుతుంటాడు. అయితే రాజకీయ కుట్రల వల్ల అతని తండ్రి తప్పుడు బంగారు అక్రమ రవాణా (Gold Smuggling) కేసులో ఇరుక్కుని అరెస్ట్ అవుతారు.

కుటుంబాన్ని కాపాడుకోవడం కోసం అమీర్ అండర్ వరల్డ్లోకి అడుగుపెట్టాల్సి వస్తుంది. అప్పుడే అతని కుటుంబానికి ఒక పెద్ద మాఫియా వారసత్వం ఉందని, అతని తాత అంతర్జాతీయ గోల్డ్ స్మగ్లింగ్ సామ్రాజ్యాన్ని నడిపారని తెలుస్తుంది. ఆ తర్వాత అమీర్ ఆ సామ్రాజ్యాన్ని ఎలా టేకవర్ చేశాడు, తన తండ్రిని ఎలా విడిపించుకున్నాడు? శత్రువులను ఎలా ఎదుర్కొన్నాడు ? అనేదే ఈ సినిమా కథ.

అమీర్ అలీ పాత్రలో పృథ్వీరాజ్ సుకుమారన్ తన స్క్రీన్ ప్రెజెన్స్, యాక్షన్ సీన్లతో అదరగొట్టాడు. మాస్ ప్రేక్షకులను ఆకట్టుకునేలా అతని లుక్స్ ఉన్నాయి. క్లయిమాక్స్ సన్నివేశాలలో  మోహన్‌లాల్,  టోవినో థామస్ అతిథి పాత్రలు హైలైట్‌గా నిలిచాయి. వారి ఎంట్రీ సీన్లు ఫ్యాన్స్‌కు గూస్ బంప్స్ ఇస్తాయి.నీల్ నితిన్ ముఖేష్ ఈ చిత్రంలో ‘హారిస్ బషీర్’ అనే స్మగ్లింగ్ మాఫియా డాన్ పాత్రను పోషించారు..సీనియర్ నటుడు శమ్మి తిలకన్ ‘రాఘవన్’ అనే నెగటివ్ షేడ్స్ ఉన్న రోల్‌లో నటించారు..నటీ నటులంతా బాగానే చేశారు. 

1980లు, 90ల నాటి పాత స్మగ్లింగ్, గ్యాంగ్‌స్టర్ ఫార్ములాను మళ్లీ తీసినట్టుగానే ఉంటుంది. కొత్తదనం పెద్దగా కనిపించదు. ఫస్ట్ హాఫ్ నడిచినంత వేగంగా సెకండ్ హాఫ్ ఉండదు. కథలో సాగదీత సీన్లు ఎక్కువై ప్రేక్షకుడికి బోర్ అనిపిస్తుంది. హీరోల ఎలివేషన్లు, ఫైట్స్ ఉన్నప్పటికీ.. పాత్రల మధ్య బలమైన భావోద్వేగాలు సరిగా పండలేదు. దాంతో సినిమా ఒక సాధారణ మాస్ కమర్షియల్ ఫార్ములా మూవీలా అయింది. 

పృథ్వీరాజ్ తండ్రి అరెస్ట్ కావడం, అండర్‌వరల్డ్‌లోకి అడుగుపెట్టే ట్రాన్స్‌ఫార్మేషన్ సీన్ ఆకట్టుకుంటుంది.రెండు బైకులు ఒక కారును వెంటాడే  సీన్స్ ను  రియల్ లొకేషన్లలో అత్యంత స్టైలిష్‌గా, గ్రిప్పింగ్‌గా చిత్రీకరించారు. మాస్ ఆడియన్స్‌కు ఈ ఎపిసోడ్ గూస్‌బంప్స్ తెప్పిస్తుంది.

అంతర్జాతీయంగా దుబాయ్, ఇండియా మధ్య బంగారం స్మగ్లింగ్ చేసేందుకు హీరో, అతని గ్యాంగ్ ఉపయోగించే కొన్ని వినూత్నమైన ఐడియాలు, ప్లానింగ్ షాట్స్ ప్రేక్షకులలో ఉత్కంఠను రేకెత్తిస్తాయి. సినిమా మొత్తానికి అతిపెద్ద హైలైట్ సీన్ క్లైమాక్స్ చివరి 10-15 నిమిషాల్లో వస్తుంది. అమీర్ అలీ తాతగా (అహ్మద్ అలీ పాత్రలో) సూపర్ స్టార్ మోహన్‌లాల్ ఎంట్రీ ఇచ్చే మూమెంట్, దానికి తోడైన జేక్స్ బిజోయ్ బ్యాక్‌గ్రౌండ్ మ్యూజిక్ (BGM) సినిమా గ్రాఫ్‌ను ఒక్కసారిగా పైకి లేపుతాయి. అలాగే టోవినో థామస్ సర్ప్రైజ్ ఎంట్రీ బాగుంటుంది. 

కథ రొటీన్‌గా అనిపించినప్పటికీ, దర్శకుడు వైశాఖ్ డిజైన్ చేసిన ఈ హై-వోల్టేజ్ మాస్ ఎలివేషన్స్, యాక్షన్ సీన్లు థ్రిల్ కోరుకునే వారికి పక్కా వినోదాన్ని అందిస్తాయి ‘ఈ చిత్రానికి ప్రముఖ సంగీత దర్శకుడు జేక్స్ బిజోయ్ (Jakes Bejoy) సంగీతాన్ని, బ్యాక్‌గ్రౌండ్ స్కోర్‌ను అందించారు.

పృథ్వీరాజ్ సుకుమారన్ స్క్రీన్‌పైకి వచ్చినప్పుడల్లా వచ్చే ఎలివేషన్ మ్యూజిక్ మాస్ ప్రేక్షకులను విపరీతంగా ఆకట్టు కుంటుంది. యాక్షన్ సీన్ల తీవ్రతనుపెంచడంలో మ్యూజిక్ కీలక పాత్ర పోషించింది.కథా గమనానికి అనుగుణంగా సాగే ఒకటి రెండు ఇంటెన్స్ మెలోడీ/థీమ్ సాంగ్స్ తప్ప, కమర్షియల్ మాస్ సాంగ్స్ ఇందులో లేవు.

ఈ చిత్రానికి ప్రసిద్ధ సినిమాటోగ్రాఫర్ జోమోన్ టి. జాన్ కెమెరామెన్‌గా వ్యవహరించారు. సినిమాలోని ప్రతి ఫ్రేమ్ చాలా రిచ్‌గా,  అంతర్జాతీయ స్థాయిలో కనిపిస్తుంది.

మొత్తంగా చెప్పాలంటే.. ‘ఖలీఫా’ కథలో కొత్తదనం లేకపోయినప్పటికీ, జేక్స్ బిజోయ్ రీ-రికార్డింగ్, జోమోన్ టి. జాన్ అద్భుతమైన కెమెరా పనితనం ఈ సినిమాను ఒక స్టైలిష్ యాక్షన్ ఎంటర్‌టైనర్‌గా మార్చాయి. భారీ అంచనాల మధ్య విడుదలైన ‘ఖలీఫా’ బాక్సాఫీస్ వద్ద ఆశించిన స్థాయి విజయాన్ని అందుకోలేకపోయింది.మొదటి భాగం బాక్సాఫీస్ వద్ద తడబడినప్పటికీ, మేకర్స్ ఈ సినిమా విడుదల రోజునే దీని సీక్వెల్‌ను అధికారికంగా ప్రకటించారు.

‘ఖలీఫా 2: ది లెగసీ’ (Khalifa 2 – The Legacy) అనే టైటిల్‌ను ఖరారు చేశారు. మొదటి భాగంలో కేవలం చివరి 15 నిమిషాల క్లైమాక్స్ క్యామియో పాత్రలో (మంబరక్కల్ అహ్మద్ అలీగా) కనిపించి అలరించిన సూపర్ స్టార్ మోహన్‌లాల్, పార్ట్-2 లో పూర్తి స్థాయి ప్రధాన పాత్రలో కనిపించబోతున్నారు.పృథ్వీరాజ్ కూడా ఈ సీక్వెల్‌లో తన పాత్రను కొనసాగిస్తారు.