Huge expectations on Akhanda …………………………………………….హీరో నందమూరి బాలకృష్ణ నటిస్తోన్న “అఖండ ” సినిమా పై అభిమానుల అంచనాలు భారీగా ఉన్నాయి. బాలకృష్ణ కు గత కొంత కాలంగా పెద్ద హిట్స్ లేవు. అలాగే బోయపాటి శ్రీను కి సింహా.. లెజెండ్ తర్వాత భారీ హిట్స్ లేవు. ఆయన మూడు సినిమాలు తీశారు కానీ అవి ఆశించిన స్థాయిలో హిట్ కాలేదు. ఈ నేపథ్యంలో ఆ ఇద్దరి కాంబినేషన్ లో రూపొందుతున్న సినిమాయే “అఖండ”. ఆకట్టుకునే కథకోసం బోయపాటి చాలా కాలంగా కసరత్తు చేశారు. ఎట్టకేలకు ఈ కొత్త కథ ను తయారుచేసుకుని కసిగా రంగంలోకి దిగారు. బాలయ్యకు కూడా నచ్చడంతో ఒకే చేశారు. అఘోరా గెటప్ ఆకర్షణీయంగా .. వెరైటీగా ఉండటంతో పరిశ్రమ వర్గాల్లో ఈ సినిమాపైనే చర్చలు నడుస్తున్నాయి.
సింహా .. లెజెండ్ సినిమాలతో మాస్ ప్రేక్షకులను ఉర్రూతలూగించిన బాలకృష్ణ ఈ సినిమాలో అదే పంధా కంటిన్యూ చేస్తున్నారని అంటున్నారు. బాలయ్య ఇందులో డ్యూయల్ రోల్ చేస్తున్నారు. అఘోరా పాత్ర ఒకటి కాగా మరొకటి కలెక్టర్ పాత్ర. అఘోరా పాత్ర స్టిల్స్ ఇప్పటికే అభిమానులను ఆకట్టుకున్నాయి.తొలి డైలాగు తో విడుదలైన టీజర్ రికార్డ్ సృష్టించింది. అఘోరా పాత్ర బాలయ్యకు పూర్తిగా కొత్తది.గెటప్ అదిరిపోయేలా డిజైన్ చేశారు. చిన్నతనంలోనే ఇంటి నుంచి అడవులకు వెళ్లి అఘోరా గా మారిన బాలయ్య .. సామాజిక సమస్యల పరిష్కారం కోసం మళ్ళీ సొసైటీ లోకి రావడం వంటి అంశంతో ఈ సినిమా కథను బోయపాటి తయారు చేసుకున్నట్టు తెలుస్తోంది. పవర్ ఫుల్ డైలాగ్స్ … పంచ్ డైలాగ్స్ తో బాలకృష్ణ అందరిని అలరిస్తాడని అంటున్నారు. బాలయ్య చేస్తోన్న రెండు కేరెక్టర్లు కథలో కీలకం కానున్నాయి. ఇక ఇద్దరు హీరోయిన్స్ ఉన్నారు కాబట్టి పాటలు కూడా ఆకర్షణీయంగా ఉంటాయి.
ఇప్పటికే ఈ సినిమా బిజినెస్ బాగా జరిగిందని ట్రేడ్ వర్గాల సమాచారం. శాటిలైట్ రైట్స్ ను స్టార్ మా … డిజిటల్ రైట్స్ ను హాట్ స్టార్ సంస్థలు తీసుకున్నట్టు తెలుస్తోంది.రెండు డీల్స్ బిజినెస్ కలిపి కోట్లలోనే ఉంటుందని తెలుస్తోంది. థియేటర్స్ బుకింగ్ కూడా అయిపొయింది. కరోనా సెకండ్ వేవ్ లేకుండా ఉన్నట్టయితే అఖండ మే 28 న విడుదల అయ్యేది. లాక్ డౌన్ కారణంగా సినిమా విడుదలను వాయిదా వేశారు.సినిమా షూటింగ్ కొంత మేరకు జరగాల్సి ఉంది. కరోనా సెకండ్ వేవ్ కారణం గా వాయిదా పడిన షూటింగ్ మళ్ళీ మొదలైంది. దసరాకు ఈ సినిమా విడుదల అయ్యే అవకాశాలున్నాయి. మిర్యాల రవీందర్ రెడ్డి ఈ సినిమా నిర్మిస్తున్నారు.ప్రగ్యా జైస్వాల్ … పూర్ణ కథానాయికలు గా నటిస్తుండగా … జగపతి బాబు .. శ్రీకాంత్ కీలక పాత్రల్లో నటిస్తున్నారు. థమన్ ఈ సినిమా కు సంగీతం అందిస్తున్నారు. ఎం. రత్నం సంభాషణలు సమకూర్చారు.
———-UP DATED ON JULY 14 TH.2021
