James web telescope investigations………………
సౌర వ్యవస్థ వెలుపల బృహస్పతి కన్నా పెద్ద సైజులో ఉన్న గ్రహాన్ని జేమ్స్ వెబ్ టెలిస్కోప్ కనుగొన్నది. సౌర వ్యవస్థ అవతల ఉన్న ఈ కొత్త గ్రహం చేరికతో ఎక్సోప్లానెట్స్ సంఖ్య పెరిగింది.ఇప్పటి వరకు సౌర వ్యవస్థ బయట ఉన్న గ్రహాల సంఖ్య దాదాపు 5 వేలు దాటింది. ఈ కొత్త గ్రహాన్ని నాలుగు రకాల లైట్ ఫిల్టర్లలో పరీక్షించారు.
శక్తివంతంగా ఈ గ్రహం వెలిగిపోతోందని పరిశోధకులు అంటున్నారు. సోలార్ సిస్టమ్ బయట ఎలా ఓ విశిష్ట ప్రదేశం ఉందో ఈ గ్రహాన్ని వీక్షిస్తే తెలుస్తుందన్న అభిప్రాయాన్ని శాస్త్రవేత్తలు వ్యక్తం చేస్తున్నారు.
జేమ్స్ వెబ్ టెలిస్కోప్ కనుగొన్న ఈ గ్రహానికి హెచ్ఐపీ 65426బీగా నామకరణం చేశారు.
ఇది జూపిటర్ గ్రహం కన్నా సుమారు 12 రెట్లు అధికంగా ఉన్నట్లు అంచనా వేస్తున్నారు. ఆ గ్రహం ఏర్పడి దాదాపు 15 నుంచి 20 మిలియన్ల సంవత్సరాలు అయి ఉంటుందని భావిస్తున్నారు. నాసా తన బ్లాగ్ లో ఈ కొత్త ప్లానెట్ కు సంబంధించిన చిత్రాలను రిలీజ్ చేసింది.
వాస్తవానికి ఈ గ్రహాన్ని 2017లో తొలిసారి గుర్తించారు. కానీ దాని గురించి పూర్తిగా తెలుసుకోలేకపోయారు. ఇప్పుడు వెబ్స్ టెలిస్కోప్ తో ఆ ప్లానెట్ కు చెందిన కొత్త వివరాలను సేకరించారు.జేమ్స్ వెబ్ కెమెరాలో ఉన్న నియర్ ఇన్ ఫ్రారెడ్ కెమెరాకు ఈ ప్లానెట్ చిక్కింది. అత్యంత దూరం నుంచి కూడా ఆ కెమెరా గ్రహాన్ని గుర్తించింది. పరిశోధకులు ఈ పరిశీలనల నుండి డేటాను విశ్లేషిస్తున్నారు.
ఇటీవల గ్రహశకలాలు పడి జేమ్స్ వెబ్ కెమెరా దెబ్బతిన్నది. అయినప్పటికీ జేమ్స్ వెబ్ కెమెరా బాగానే పని చేస్తున్నది. కాగా రోమన్ స్పేస్ టెలిస్కోప్ ఆ గ్రహానికి చెందిన మరిన్ని కరోనాగ్రాఫ్ వివరాలను వెల్లడించే అవకాశాలు ఉన్నట్లు నాసా చెబుతోంది. ఇటీవలే డబ్ల్యూ ఏఎస్పీ-39 బీ వద్ద పెద్ద స్థాయిలో కార్బన్ డైయాక్సైడ్ ఉన్నట్లు జేమ్స్ టెలిస్కోప్ కనుగొన్న విషయం తెలిసిందే.
