IRGC…….
ఇరాన్ దేశంలో ‘ఇస్లామిక్ రివల్యూషనరీ గార్డ్ కార్ప్స్, లేదా ‘పాస్దారన్’ అత్యంత శక్తివంతమైన విభాగం. ఇది కేవలం ఒక సైనిక దళం మాత్రమే కాదు, ఇరాన్ రాజకీయ, ఆర్థిక, విదేశీ వ్యవహారాలను శాసించే ఒక సమాంతర శక్తి. ప్రస్తుతం ఇరాన్ తరపున ఇతర దేశాలపై దాడులు చేస్తున్నది ఈ సంస్థే.
సాధారణ సైన్యం దేశ సరిహద్దులను కాపాడితే, IRGC ఇస్లామిక్ విప్లవ వ్యవస్థను అంతర్గత, బాహ్య ముప్పుల నుండి రక్షించడానికి ఏర్పడింది.దీనికి సొంతంగా ఆర్మీ, నేవీ, ఎయిర్ ఫోర్స్ ఉన్నాయి. ముఖ్యంగా కుద్స్ ఫోర్స్ (Quds Force) విదేశాల్లో కార్యకలాపాలు నిర్వహిస్తుంది.. బసిజ్ (Basij) మిల్లీషియా దేశీయంగా నిరసనలను అణచివేయడానికి పనిచేస్తుంది. ఇరాన్ బాలిస్టిక్ క్షిపణి, డ్రోన్ ప్రోగ్రామ్లు పూర్తిగా IRGC నియంత్రణలోనే ఉన్నాయి.
IRGC ఇరాన్ ఆర్థిక వ్యవస్థలో ఒక భారీ వ్యాపార సామ్రాజ్యాన్ని నడుపుతోంది. నిర్మాణం, ఇంధనం (చమురు & గ్యాస్), టెలికమ్యూనికేషన్స్, బ్యాంకింగ్ వంటి కీలక రంగాల్లో వీరికి వేల కోట్ల అక్రమ రవాణా నెట్వర్క్లను కూడా వీరే పర్యవేక్షిస్తారని నివేదికలు చెబుతున్నాయి.IRGC అధికారులు నేరుగా పార్లమెంటు, ప్రభుత్వ కేబినెట్లో కీలక పదవులను నిర్వహిస్తారు. సుప్రీం లీడర్ కి వీరు అత్యంత నమ్మకస్తులు. సుప్రీం లీడర్ వారసుడిని నిర్ణయించడంలో కూడా వీరి పాత్ర కీలకం.
యూరోపియన్ యూనియన్ (EU) IRGCని ఒక ఉగ్రవాద సంస్థగా అధికారికంగా ప్రకటించింది. అమెరికా, ఇజ్రాయెల్ దాడుల నేపథ్యంలో, IRGC గల్ఫ్ ప్రాంతంలోని అమెరికా సైనిక స్థావరాలపై క్షిపణి దాడులు చేస్తూ ప్రతిఘటిస్తోంది.2025 చివరిలో..2026 ప్రారంభంలో జరిగిన అంతర్గత ప్రజా నిరసనలను అణచివేయడంలో IRGC కీలక పాత్ర పోషించింది.సంక్షిప్తంగా, IRGC అనేది ఇరాన్ దేశానికే వెన్నెముక వంటిది. ఇది లేకుండా ఇరాన్ ప్రస్తుత పాలన కొనసాగడం దాదాపు అసాధ్యం.
ప్రస్తుతం హార్ముజ్ జలసంధి వద్ద ఇరాన్ ఇస్లామిక్ రివల్యూషనరీ గార్డ్ కార్ప్స్ (IRGC) అత్యంత కఠినమైన “నో-మూవ్ జోన్”ను అమలు చేస్తోంది.ఈ జోన్ పరిధిలో కదిలే లేదా ఇంజన్ ఆన్ చేసే ఓడలపై డ్రోన్లు, క్షిపణులతో దాడులు చేస్తామని IRGC హెచ్చరిస్తోంది, ఇప్పటికే 14కి పైగా ఓడలపై దాడులు జరిగాయి. అమెరికా-ఇజ్రాయెల్ దాడులకు నిరసనగా ఈ దిగ్బంధనం విధించారు.
దీనివల్ల అంతర్జాతీయ చమురు సరఫరాకు అంతరాయం కలిగి, ధరలు పెరుగుతున్నాయి. ప్రస్తుతం బ్రిగేడియర్ జనరల్ అహ్మద్ వాహిదీ IRGC కి చీఫ్ కమాండర్గా వ్యవహరిస్తున్నారు. ఈ చీఫ్ కమాండర్ సుప్రీం లీడర్ ఆదేశాలమేరకు పనిచేస్తారు. అక్కడి ఎన్నికైన ప్రభుత్వానికి లేదా అధ్యక్షుడికి బాధ్యత వహించరు.
వీరికి జీతాలు అధికారికంగా ఇరాన్ ప్రభుత్వ బడ్జెట్ నుండే అందుతాయి ప్రతి ఏటా ఇరాన్ పార్లమెంట్ కేటాయించే రక్షణ బడ్జెట్లో వీరికి సింహభాగం కేటాయిస్తారు. అత్యవసర సమయాల్లో లేదా ప్రత్యేక కార్యకలాపాల కోసం నేరుగా దేశ ఖజానా నుండి నిధులు పొందే వెసులుబాటు ఉంటుంది.
