Another item song …………………..
తొలి సారిగా ఐటెం సాంగ్ చేసి పెద్ద ఎత్తున విమర్శల పాలైన నటి సమంత మరో ఐటెం సాంగ్ చేసేందుకు సిద్ధమౌతున్నట్టు వార్తలు ప్రచారంలో కొచ్చాయి. విజయ్ దేవరకొండ హీరోగా తెర కెక్కుతున్న లైగర్ సినిమా లో ఒక స్పెషల్ సాంగ్ కోసం సమంత ను సంప్రదించారని టాలీవుడ్ వర్గాలు చెబుతున్నాయి. సమంత ఈ వార్తను కంఫర్మ్ చేయాల్సి ఉంది.
బాక్సింగ్ కథాంశం నేపధ్యం లో పూరి జగన్నాథ్ డైరెక్ట్ చేస్తున్న సినిమా లో స్పెషల్ సాంగ్ కోసం ఎవరినైనా కథానాయికను తీసుకుందామని ప్లాన్ చేశారట. విజయ్ దేవరకొండ సమంత తో కలసి గతంలో పనిచేశారు. ఇద్దరికీ మంచి పరిచయాలున్నాయి. ఈ క్రమంలో సినిమా యూనిట్ తరపున విజయ్ సమంతతో మంతనాలు చేస్తున్నారని బాలీవుడ్ వర్గాల టాక్.
ఇదే నిజమైతే .. సమంత మళ్ళీ విమర్శలు ఎదుర్కోవాల్సి ఉంటుంది. ‘పుష్ప’ లో స్పెషల్ సాంగ్ చేసినపుడే ఆమె పై పెద్ద ఎత్తున విమర్శలు వచ్చాయి. పుష్ప సినిమాలో అల్లు అర్జున్ చేయమంటే ఆ పాట లో నటించానని సమంత ఆ మధ్య చెప్పింది ఆ సినిమాలో ‘ఊ అంటావా మావా … ఉహు అంటావా మావ’ అనే స్పెషల్ సాంగ్ యూట్యూబ్‌లో రికార్డు సృష్టించింది.
అంతేకాదు సమంత భారీ పారితోషకం కూడా అందుకున్నది. వాస్తవానికి పుష్ప లాంటి సినిమాలో హీరోయిన్ గా చేయాల్సిన స్థాయి సమంతది. అలాంటి సమంత ఐటం సాంగ్ చేయటమేంటని అప్పట్లో విమర్శలు వెల్లువెత్తాయి.హీరోయిన్ గా అవకాశాలు లేని తారలే ఎక్కువగా ఐటం సాంగ్స్ చేస్తుంటారు. అడపాదడపా పెద్ద హీరోయిన్లు కూడా చేశారు. కానీ రెగ్యులర్ గా చేయలేదు.
ఏదో ఒకటి అరా అయితే ఒకే. గతంలో కూడా కొంతమంది చేశారు కానీ చాలా తక్కువ. ఇలా ఐటెం సాంగ్స్ చేస్తూ పోతే హీరోయిన్ గా అవకాశాలు తగ్గినా ఆశ్చర్య పోనవసరం లేదనే విమర్శలు కూడా వినబడ్డాయి. సమంత కెరీర్ ఇవుడు పీక్ లో ఉంది. ఈ స్థితిలో ఆమె ఇలా ఐటెం సాంగ్స్ ఎందుకు చేస్తున్నదా అని అభిమానులు షాక్ అవుతున్నారు.
