Triangular fight………..
తమిళనాడులో మిగతా పార్టీలతో పోలిస్తే స్టాలిన్ నేతృత్వంలోని డీఎంకే ఇప్పటికి ముందంజలో ఉంది. కొన్ని సర్వేలు కూడా ఇదే విషయం చెప్పాయి. C M స్టాలిన్ తన ప్రసంగాల్లో “మళ్ళీ మనమే వస్తున్నాం” అని చాలా ధీమాగా చెబుతున్నారు.
అయితే, ఈసారి పోటీ గతంలో లాగా ద్విముఖ పోటీ కాదు, ముక్కోణపు పోరు కాబట్టి, ఓట్ల శాతం తగ్గినా కూటమి బలంతో గట్టెక్కుతామని ఆయన భావిస్తున్నారు. డీఎంకే పార్టీ పట్ల ప్రజల్లో కొంత వ్యతికరేకత కూడా లేక పోలేదు.ప్రస్తుత రాజకీయ పరిస్థితుల నేపథ్యంలో డీఎంకే ప్లస్ పాయింట్లు ఏమిటో, మైనస్ పాయింట్లు ఏమిటో చూద్దాం.
ప్లస్ పాయింట్లు
సంక్షేమ పథకాల ప్రభావం: ముఖ్యమంత్రి ఎం.కె. స్టాలిన్ ప్రవేశపెట్టిన ‘మహిళలకు ఉచిత బస్సు ప్రయాణం’, ‘మగిళిర్ ఉరిమై తొగై’ (నెలవారీ రూ. 1000 ఆర్థిక సాయం) వంటి పథకాలు క్షేత్రస్థాయిలో మహిళా ఓటర్లను పార్టీకి గట్టిగా కట్టిపడేసాయి.
బలమైన కూటమి: కాంగ్రెస్, వామపక్షాలు (CPI, CPM), వీసీకే వంటి భాగస్వామ్య పక్షాలు డీఎంకే వైపు ఉండటం వల్ల ఓట్లు చీలిపోకుండా ఉంటాయి.
స్టాలిన్ ఇమేజ్: కరుణానిధి తర్వాత పార్టీని ఏకతాటిపైకి తెచ్చి, గత ఎన్నికల్లో ఘనవిజయం సాధించిన స్టాలిన్పై ప్రజల్లో ఇప్పటికీ సానుకూలత ఉంది. ఆయన ‘ద్రావిడ మోడల్’ నినాదం తమిళ అస్తిత్వాన్ని ప్రతిబింబిస్తుంది.
సంఘటిత యంత్రాంగం: రాష్ట్రవ్యాప్తంగా ప్రతి గ్రామంలోనూ డీఎంకేకు క్రమశిక్షణ కలిగిన కార్యకర్తల బలగం ఉంది. ఎన్నికల మేనేజ్మెంట్లో వీరు చాలా కీలకం.
మైనస్ పాయింట్లు
కుటుంబ రాజకీయాల ముద్ర: స్టాలిన్ తన కుమారుడు ఉదయనిధి స్టాలిన్ను ఉప ముఖ్యమంత్రిగా ప్రమోట్ చేయడంపై బీజేపీ, విజయ్ పార్టీలు తీవ్రంగా విమర్శిస్తున్నాయి. ఇప్పటికే ‘వారసత్వ రాజకీయాల పార్టీ ‘ అని డీఎంకే పై ముద్ర పడింది.
అవినీతి ఆరోపణలు: కొందరు మంత్రులపై ఈడీ (ED) దాడులు, అవినీతి కేసులు, డ్రగ్స్ మాఫియాతో సంబంధాలు ఉన్నాయనే ఆరోపణలు పార్టీ ప్రతిష్టను దెబ్బతీస్తున్నాయి.
విజయ్ (TVK) పార్టీ ఎంట్రీ: నటుడు విజయ్ కొత్త పార్టీ పెట్టడం వల్ల డీఎంకేకు సంప్రదాయంగా వచ్చే యువత ఓట్లు, పట్టణ ఓట్లు చీలిపోయే ప్రమాదం ఉంది. ఇది డీఎంకే గెలుపుపై ప్రభావం చూపవచ్చు.. మెజారిటీని తగ్గించవచ్చు.
నీట్ (NEET) రద్దు హామీ: అధికారంలోకి వస్తే నీట్ పరీక్షను రద్దు చేస్తామని ఇచ్చిన హామీని నెరవేర్చలేక పోయారు.. ఈ అంశం విద్యార్థులు,తల్లిదండ్రులలో కొంత అసహనాన్ని కలిగించింది.
శాంతి భద్రతలు, ధరలు: విద్యుత్ ఛార్జీలు, ఆస్తి పన్ను పెంపు వంటి అంశాలు ప్రభుత్వంపై వ్యతిరేకత ను పెంచే అవకాశం ఉంది. ఇంకా ఎన్నికలకు కొద్దీ కాలం సమయం ఉంది కాబట్టి అభ్యర్థుల ఎంపిక, కొత్త హామీల ప్రభావం ఓటర్ల పై పడవచ్చు.ఎన్నికల నాటికి ఓట్లర్ల నిర్ణయం లో మార్పు కూడా ఉండవచ్చు.మొత్తం మీద గత ఎన్నికలలో గెలిచినంత ఈజీ కాదు ఈ సారి గెలవడం.
