A powerful tribe………….
ఈ ఫొటోలో కనిపించే వ్యక్తులు బజౌ తెగ కు చెందిన వారు. వీరికి కొన్ని ప్రత్యేకతలున్నాయి. సముద్రానికి 200 అడుగుల లోతులో ఈ మనుషులు సంచరిస్తుంటారు. అక్కడ ఆహరం సేకరించుకుని సముద్ర ఉపరితలంపై నివసిస్తుంటారు.
ఈ తెగవారు సముద్ర గర్భంలోకి వెళ్లి ఆహారం కోసం వేట సాగిస్తారు.. చిన్నపిల్లల నుండి పెద్దల వరకు ప్రతి ఒక్కరూ వేటకు వెళుతుంటారు. వీరికి సముద్రం … వేట తప్ప మరో ప్రపంచం తెలీదు. ఇతర సదుపాయాలు అందుబాటులో కూడా లేవు. సమీప గ్రామాలకు వెళ్లి అవసరమైన వస్తువులు తెచ్చుకుంటారు.
ఈ తెగలో పిల్లలు పుట్టి నడక నేర్చిన నాటి నుండి వీరికి ఇదే జీవితమట. ఈ ప్రాంత ప్రజలు భూమి మీద నివసించడానికి వీలులేకుండా నిషేధానికి గురయ్యారని అంటారు. ఆ కారణంగా వీరి జీవితం మొత్తం సముద్రం నీటి మీదనే గడుస్తోంది.
కొందరు నీటి ఉపరితలం మీద కర్రల సహాయంతో తేలుతున్న ఇళ్ళను నిర్మించుకుంటే మరికొందరు పడవల్లో నివసిస్తూ జీవితం సాగిస్తున్నారు.ఆధునిక కాలంలో కొందరు తీరప్రాంత గ్రామాల్లో స్థిరపడ్డారు.బజౌ ప్రజలకు స్వంత భాషలు ఉన్నాయి (Bajau languages)సంగీతం, నృత్యం, మత్స్య సంప్రదాయాలు వీరి సంస్కృతిలో ముఖ్య భాగం.
వీళ్లు నీటిలో ప్రతి దాన్ని ఎంతో స్పష్టంగా చూడగలుగుతారు. వీళ్ల కంటిచూపు సామర్థ్యం చాలా ఎక్కువగా ఉందని.. సాధారణ వ్యక్తులతో పోలిస్తే వీరిలో ప్లీహ సామర్థ్యం కూడా ఎక్కువగా ఉందని ఈ తెగ ప్రజల గురించి పరిశోధనలు చేసిన శాస్త్రవేత్తలు చెబుతున్నారు.
పలు దేశాలకు చెందిన మత్స్యకారులు సముద్రాలలో చేపలు పట్టడానికి వినూత్న పద్ధతులు ఉపయోగిస్తున్న కారణంగా వీరికి ఆహార కొరత ఏర్పడింది . దీంతో ఈతెగ మనుగడకు ప్రమాదం ఏర్పడింది. వీళ్లు నీటిలో ఆహారం కోసం వేటాడుతున్నప్పుడు శరీరంలో ఒత్తిడి పెరిగి రక్తప్రసరణలో మార్పులు చోటు చేసుకుంటాయి.
ఈ మార్పు వల్ల వీళ్ల శరీరంలో రోగనిరోధక శక్తి కూడా సమర్థవంతంగా తయారవుతోందని చెబుతున్నారు. వీళ్లకంటూ సొంతదేశం కానీ, సొంత ప్రాంతం కానీ ఏదీ లేదు. సముద్ర నీటి ఉపరితలం మీద జీవించడం, సముద్రంలో వేటసాగించి ఆహారాన్ని సంపాదించుకోవడమే వారికి తెలిసిన పని.
ఈ జాతి పిల్లలు చాలా వరకు చిన్నప్పటి నుండే నీటితో కలసి పెరుగుతారు. వీరు ఏ జలచరాన్ని చూసినా భయపడరు. సముద్రపు నీళ్లలో వీళ్ళు షార్క్ చేపలు ఈదినట్టే వేగంగా ఈదుతారు. సాధారణ ప్రజలకంటే.. ఈ తెగ ప్రజలకు రోగనిరోధక శక్తి ఎక్కువగా ఉంటుందట.
మరొక ముఖ్యవిషయం ఏమిటంటే.. ఈ బజౌ జాతి ప్రజలలో ప్లీహము 50శాతం పెద్దగా ఉందని శాస్త్రవేత్తలు చెబుతున్నారు. వీళ్ళనే సీ నోమాడ్స్ అని కూడా పిలుస్తారు. కనీసం 1,000 సంవత్సరాలుగా ఆగ్నేయాసియా సముద్రాలలో వీరు తిరుగుతున్నారు.
ఎక్కువ మంది బజౌలు ఇస్లాం మతాన్ని అనుసరిస్తున్నారు.ప్రభుత్వ సరిహద్దులు, పౌరసత్వ సమస్యల కారణంగా చాలామంది బజౌ ప్రజలు పౌర హక్కులు లేకుండా జీవిస్తున్నారు.విద్య, వైద్యం వంటి సౌకర్యాలు వీరికి పరిమితంగా లభిస్తున్నాయి.
ఈ తెగల్లో పెళ్లిళ్లు దగ్గరి బంధువర్గంలోనే జరుగుతాయి .విడాకులు చాలా అరుదు..ఆడంబరంలేని, అర్థవంతమైన వేడుకగా పెళ్లిని నిర్వహించడం వీరి ప్రత్యేకత.బజౌ ప్రజలు ప్రధానంగా ఇండోనేషియా, మలేషియా, ఫిలిప్పీన్స్ దక్షిణ భాగం, బ్రూనై పరిసర ప్రాంతాలలో నివసిస్తారు.
