Facts to know…………………………….
హుజూరాబాద్ ఉప ఎన్నిక ప్రక్రియ .. ఫలితాలను పరిశీలించి చూస్తే చాలా విషయాలు అర్ధమవుతాయి.
@ కేవలం సంక్షేమ పధకాలు మాత్రమే ఎన్నికల్లో పార్టీని గెలిపించవని మరోమారు తేలిపోయింది.
@ 2019 ఎన్నికల్లో పసుపు కుంకుమ పధకం ప్రవేశపెట్టి నాడు చంద్రబాబు భంగపడ్డారు.
@ తాజాగా దళిత బంధు కూడా కేసీఆర్ ను గెలిపించలేకపోయింది. ఇది ఎన్నికల కోసమే ప్రవేశపెట్టారా అన్న సందేహాలు జనం లో కలిగాయి.
@ ఇతర వర్గాల్లో పేదలు ఈ దళిత బంధు పై వ్యతిరేకతను చూపారు.
@ సంక్షేమ పధకాలు అమలు చేస్తే చాలు అనుకుంటున్న ఏపీ సీఎం జగన్ కూడా హుజురాబాద్ ఎన్నికను చూసి జాగ్రత్తపడాల్సిన రోజులు వచ్చాయి.
@ ఎన్నికల్లో ఎవరిని పోటీకి దింపినా గెలుస్తామన్న అతి విశ్వాసం పార్టీ నేతలకు పనికి రాదు.
@ ఆ విశ్వాసం తప్పని తేలిపోయింది. చేదు ఫలితం వచ్చింది.
@ ఈటల బీజేపీ నేతగా కనిపించలేదు .. వ్యవహరించలేదు. అది పెద్ద ప్లస్ పాయింట్ అయింది.
@ చంపుకుంటారా.. సాదుకుంటారా అన్న ఈటల మాట జనంలోకి దూసుకెళ్లింది.
@ పార్టీ లో ఒక నేత నచ్చకపోతే అతగాడిని పార్టీ నుంచి పంపేయాలి. అంతే గానీ కక్ష సాధింపులకు పూనుకుంటే .. అది ప్రజలు గమనిస్తే రాజకీయంగా నష్టం జరుగుతుంది.
@ నచ్చని నేతలపై కేసులు పెట్టడం .. ఇరికించే యత్నం చేయడం వంటి పనుల వలన భారీ మూల్యం చెల్లించుకోవాల్సి ఉంటుంది.
@ అవినీతి ఆరోపణల విషయంలో అందరి పట్ల ఒకే రీతిలో స్పందించాలి. ఒకరిని దగ్గర పెట్టుకోవడం మరొకరిని బహిష్కరించడం సరైన విధానం కాదు.
@ ప్రత్యర్థి ని ఏకాకి చేయాలన్న లక్ష్యంతో వలసలు ప్రోత్సాహించే వ్యూహాలు అన్ని వేళల వర్కౌట్ కావు.
@ సొంత సర్వేలు .. సొంత ఛానల్ .. సొంత పత్రిక ఫీడ్ బ్యాక్ ను నమ్మకూడదు.
@ కేవలం ఈ ఉప ఎన్నిక ఓటమితో కేసీఆర్ రాత్రికి రాత్రే బలహీనపడరు. ముందు ముందు జాగ్రత్త పడాలని జనాలు ఒక సూచన చేశారు.
@ కేవలం ఈ ఎన్నిక తరహా ఫలితాలే రాబోయే అసెంబ్లీ ఎన్నికల్లో వస్తాయని ఎవరైనా ఊహించుకుంటే అది భ్రమ మాత్రమే.
@ ఇక ఈ ఉప ఎన్నికలో గెలుపు ఈటల రాజేందర్ దా? బీజేపీ దా? అనే ప్రశ్న కు జవాబు. 70 శాతం రాజేందర్ దే. 30 శాతం బీజేపీ ది. ఈటల వంటి బలమైన అభ్యర్థి దొరక్కపోతే బీజేపీ కూడా ఇబ్బంది పడేది.
@ ఈట‌లను చూసి ఓటర్లు క‌మ‌లం గుర్తుకు ఓటు వేశారు.ఇది నిష్టూర‌మైన నిజం. బీజేపీ నేతలు ఒప్పుకోక పోవచ్చు.
@ కాంగ్రెస్ తన గెలుపు కంటే తెరాస ఓటమిని కోరుకుంది. ఆ దిశగా ప్రయత్నించిందనేది నమ్మలేని నిజం.
@ తెలంగాణ‌లో బీజేపీ మ‌రీ అంత బ‌ల‌హీనంగా లేదు. ఈ ఒక్క గెలుపుతోనే బీజేపీ తెలంగాణ లో అధికారాన్ని సొంతం చేసుకోవడం కూడా సులభం కాదు.
